Waa maxaay wehsi? Maxaa sababa wehsida? Sideen iskaga joojin karnaa? Maxaan ka faa’iidaynaa haddaan ka adkaanno wehsida?

Layaab  ayey leedahay inaan ognahay dhamaantayo in wehsidu xuntahay, waqtiga disho,dib u dhac sababto,astaan munaafaq tahay,hadana waa samaynaa markasta!HOWL NINKEEDII HADAAFOWYAHAY YAA HORMARIN KARA!

“Waligaa dib ha u dhigin shey aad maanta qaban karto barri” Benjamin franklin.

Waxaan rabaa  inaan qormadaan gaaban ku qaadadhigo waydiimahaan:

Waa maxaay wehsi? Maxaa keena wehsida? Sideen iskaga joojin karaa? Maxaan ka faa’iidaya haddaan ka adkaado wehsida?

Ugu horreyn waa maxaay wehsi?

Wehsidu waa in aad howl kuutaallo aad ka tagto ama aad dib u dhigto  sabab la'aan.

Tusaale: Waxaad rabtay inaad aqrido jus Qur’aan ah,ama inaad buug aqriso,ama inaad aaddo goobtaada shaqada,haddana waxaad kaga mashquushay arrin kale oon qorshaha kuugu jirin,sida inaad Internt gasho, ama inaad qabato howl kale oo macno la’aan ah.

Maxaa sababa wehsida?

Qodobadaan soosocda aya ah sababayaasha wehsida.

 Aqoon la’aan: hadaadan aqoonin habka looqabto howsha ku hortalla waxaa fududaanaysa inaad wehsato.

    Cabsi: inaad ka cabsto inaad ku fashilanto howsha aad rabto inaad qabato,iyana waxay sababaysaa inaad wehsato.

Cudurdaar: cudurdaarashadu waa mid kamid ah qodobada ugu waaweyn ee keena wehsida, waana inaad dhahdo berri ayaan samaynaya,maanta maya.

Waa isla garanay qeexitaanka wehsida,tusalayaasheeda iyo waxa keena, hadaba,waxaa iswaydiin mudan:sideen uga taqalusi karnaa wehsida?

Tallaabooyinkaan soosocda waxay kaa saacidaayaan inaad ka taqalusto wehsida.

·       Talo saaro Rabiga markaaad go’aansanto inaad howl qabsato oo ka bari inuu ku waafajiyo howlahaaga sida ugu hagaagsan.

·       Maanta samee howlaha ku horyaallo ee daruuriga ah,berrina hala sugin.

·       Yeelo jadwal aad ku kala hormariso howlaha ku horyaalla.

·       Isku day inaad huruddo ugu yaraan seddex-meelood maalintii ama 24-tii saacba.

·       Ka fogaaw internet-ka markii ay howli ku hortaallo.

·       Saaxiibadaada kuwa ay  wehsidu la dagtay ka dheeraaw.

·       sifiican u baro howsha aad rabto inaad qabato.

Maxaan ka faa’iidayna haddan ka taqalusno wehsida?

 Seddexdaan faa’iido ee waawayn ayaan heleynaa haddaan ka taqalusno wehsida.

1.    Waxaa naga yaraanaya walaaca: markasto oon wehsanno,ama markasto oo aan sugno hawl,waxaa nagu sii badanaya walaaca. Tusaale hadii shaqo kuu taallo aad u dib dhigtid waqti kale ilaa lagarayo waqtigaas  kale waxaad ku jiree xaalad walaac ah, balse hadii aad hawsha hore ka qabato, walaacaas isma arkaysaan.

2.    Shaqo wanaag: dadka aan wehsan shaqadoda waxay u qabtaan si wax ku ool leh, waayo markaad shaqaynayso adoo walaac la’aan ah, naftaadu waxay fursad kuu siinaysaa inaad si wax tar leh hawsha u qabsato.

ugudanbeyn,waqtigeyna waxaan u isticmaalaysnaa si waxtar leh oo dantayna u adeegta.